A reducción no tocante os residuos, case nunca é entendida nen asimilada polos mais cativos e menos polos maiores. Por iso, é un dos aspectos que mais se traballan no Programa de Educación Ambiental da Mancomunidade de concellos do Barbanza.. Ademais na regra das 3 Rs, a REDUCCIÓN é a primeira da lista por orde de importancia e eficacia a hora de tratar o noso lixo.Para practicala, sería mellor aplicar e inventar  un novo refrán referente os residuos que podría dicir “o lixo que non se crea, nin se destrúe nin se transforma”. E así o fixemos estas semanas nos diferentes centros de ensino de Lousame!!!

Os alumnos de cuarto e quinto de Primaria do Colexio María Asumpta en Noia xa participaron o ano pasado no programa « O lixo dende o teu concello » así que para comezar falamos dos residuos en xeral e repasamos todos estes conceptos, sobre todo a reducción dos residuos en orixe. Despois dun repaso comprobamos que as nocións básicas eran ben integradas, e tocaba adiviñar se a práctica era tan ben asimilada. Para isto participaron nun xogo cooperativo “ A nosa compra”  e aprenderon a reducir o seu lixo domestico facendo unha compra responsable.

Pensado cal é a mellor compra entre tantos produtos?

A reciclaxe, esta palabra é coñecida por todos os rapaces e polo tanto moitas veces se confunde con outros conceptos, como a separación ou  a reutilización. Para que as cousas quedasen mais claras decidimos poñer as nosas mans na masa, directamente reciclando papel. A actividade foi emocionante para os alumnos de primeiro e segundo de Primaria do CPI Cernadas de Castro de Lousame, xa que era a primeira vez que o facían: transformar o papel usado nun novo, listo para darlle uso. Acompañados das profesoras, saíron da sala ca súas follas de papel ben feitiñas, orgullosos tanto polo resultado final como por colaborar no tratamento dos residuos a vez que salvaban algunhas árbores

Rompendo xornais vellos para facer a pasta de papel

Para solicitar a participación no Programa, os centros de ensino e demais entidades pertencentes a Mancomunidade do Barbanza, poden enviar a ADEGA a inscripción remitida pola Mancomunidade a todolos concellos ou ben directamente poñerse en contacto ca persoa responsable do Programa:

Marga Miguens - Responsable de Educación Ambiental Xeral

Tlfno:680 903 203 email: marga@adega.info

O día 2 de febreiro comemórase a data na que se adoptou a convención sobre os humidais en 1971. O tratado dos humidais ou convención Ramsar, é un acordo intergobernamental que serve para a acción nacional e a cooperación internacional en pro da conservación e o uso racional dos humidais e os seus recursos. Os ecosistemas húmidos forman parte da nosa riqueza natural e grazas aos humidais todos os anos recibimos servizos por valor de millóns de euros (de xeito totalmente gratuíto). Os humidais contribúen á nosa saúde e benestar, controlando inundacións e repoñendo os nosos acuíferos. Estes ecosistemas estabilizan costas e protexen ás cidades e pobos contra as tormentas, reteñen e exportan sedimentos e nutrientes, depuran auga e son uns grandes reservorios de biodiversidade. Este 2 de febreiro, móllate polos humidais con Proxecto Ríos!

Os humidais tamén nos abastecen de moitos produtos dos que dependemos. Existen valores culturais ligados a estes ecosistemas, así como valores naturais que fomentan a recreación e o turismo.

Dende Proxecto Ríos e ADEGA queremos divulgar esta importancia dos humidais, e por segundo ano consecutivo organizamos unha xornada de voluntariado ambiental en dúas lagoas pertencentes a uns dos 5 humidais galegos incluídos na lista Ramsar. Baixo o mesmo lema do ano anterior: Móllate polos Humidais, mollarémonos polas lagoas de San Pedro de Muro e Xuño (concello de Porto do Son) pertencentes ao Complexo Húmido de Corrubedo (código LIC ES1110006).

En 2011 máis de 40 voluntarias e voluntarios participamos nunha xornada de eliminación de flora exótica invasora nesta área, e este ano queremos darlle seguemento aos labores de control e eliminación. Ademáis de seguir divulgando a problemática das especies invasoras e aumentar a concienciación cidadá, estas acción teñen por obxectivo acadar un mellor estado ecolóxico dun dos ecosistemas galegos percentes á rede natura 2000. Fotos 2011

Tedes ata mañá  para apuntarvos nesta xornada de eliminación de flora exótica invasora. Participa e Móllate polos Humidais!

PROGRAMA

09.00  Saída dende Santiago de Compostela
10.00  Parada en Porto do Son
10.10  Chegada: presentación da actividade
10.30  Roteiro polas lagoas
12.00 Comezo dos traballos de eliminación
14.00  Xantar
15.30  Continuación dos traballos
17.30  Remate dos traballos e foto de grupo
18.00  Regreso

As voluntarias e os voluntarios que queiran participar na acción do día 2 de febreiro poden apuntarse no seguinte enderezo:

Ramsés Pérez (Coordenador de Programas de Educación Ambiental de ADEGA) -  ramses@adega.info

Telf: 981 57 00 99 e móbil: 616 23 80 50

Colabora e financia: Concello de Porto do Son

Os máis de 35 anos de actividade de ADEGA van parellos aos da historia da Educación Ambiental (EA), xa que como algo formal, apareceu en 1972 coa Declaración de Estocolmo. Foi por esas datas cando se decidiu adicar o 26 de xaneiro, como Día Mundial da Educación Ambiental, nun esforzo da comunidade internacional para a preservación e conservación do  Planeta. Porén, como sinala a SGEA, ese esforzo está en perigo porque a Educación Ambiental en Galiza e demais países está a vivir un alarmante retroceso: Brutal recorte de actividades e recursos; peche e infrautilización de equipamentos públicos; perda de peso da EA no sistema educativo; despedimentos na administración pública e desaparición de empresas; desbaldimento de recursos e falta de coordenación entre administracións... Por iso, no Día Mundial da Educación Ambiental ADEGA propón afortalar mais ca nunca,fronte á inacción da Xunta, o papel dos colectivos sociais na difusión da EA.

ADEGA leva a cabo os seus diversos Programas de Educación ambiental dende o ano 2000. Esta liña de actuación tense consolidado e arestora é unha das áreas prioritarias para ADEGA, con numerosos programas en diversos eidos e unha equipa de traballo adicada a deseñalos e realizalos.

A Educación Ambiental dende o ecoloxismo é unha realidade no amplo campo que ofrece esta disciplina de acción socio-educativa. No Libro Blanco de la Educación Ambiental en España (MMA:1999) recoñécese o papel que desempeña este movemento social cando se afirma que “...hai que destacar o papel das asociacións conservacionistas e ecoloxistas na xeración de conciencia e de corresponsabilidade da poboación na mellora ambiental...”.

Desde esta perspectiva, durante esta semana, en especial este xoves 26 será pois unha xornada de traballo normal para as educadoras e os educadores ambientais de ADEGA, porque entendemos que esa é a mellor maneira de celebrar o Día Mundial da Educación Ambiental. Nesta xornada realizaremos as seguintes actividades enmarcadas nos seus respectivos proxectos:

Programa de compostaxe
Adega realizarán as ultimas visitas do Programa de compostaxe caseira de Santiago de compostela e seguirá co seguemento da Área de compostaxe comunitaria  e individual de Poio.

Proxecto UDC
Realizarase co grupo de bolseiros da Oficina de Medio Ambiente da UDC unha inspección polo campus para localizar especies invasoras, esta inspección é un dos pasos previos para as xornadas de voluntariado ambiental na UDC que se celebrarán na universidade o día 31 de febreiro e 1 de marzo.

Proxecto ríos
Realizarase unha saída formativa no río Sarela en Santiago de Compostela cos alumnos da UNED de Ciencias Ambientais, para ensinarlles a metodoloxía e as ferramentas necesarias para realizar unha inspección de río.

Programa de educación ambiental
O CPI Monte Caxado d'As Pontes, volve participar no Programa xeral de educación ambiental nesta ocasión traballando as enerxías renovables.

Mais información:

Marga Miguens Busto

Responsable dos Programas de Educación Ambiental Xeral

marga@adega.info - 680 90 32 03

ADEGA seguirá realizando actividades co seu programa de Educación Ambiental nos centros escolares da Mancomunidade de Concellos da Serra do Barbanza agora que rematou o nadal . Os centros de ensino que ainda non  fixeron  a súa solicitude ainda podem facelo .

ANIMÁDEVOS A PARTICIPAR !!!

Neste mes de xaneiro que comeza estaremos no CPI Cernadas de Castro (Lousame) e o Colexio Mª Asumpta ( Noia) traballando as temáticas de Residuos e consumo, Reciclaxe de papel  e os Tóxicos no fogar. A continuación mostramos o cronograma destas actividades:

A finalidade do Programa da Mancomunidade do Barbanza é dar a coñecer o Plano de Residuos da Mancomunidade á cidadanía, expoñendo as vantaxes dun modelo de xestión que plantexa a reciclaxe e a compostaxe da materia orgánica e de boa parte do resto dos residuos producidos pola veciñanza. Durante as charlas e obradoiros que se fan dentro deste programa preténdese incidir nas actitudes e prácticas dos veciños e veciñas destes concellos ( tanto maiores coma nenos ) para que na súa vida cotiá separen ecoloxicamente os residuos en miras de achegarnos a un modelo máis sustentábel na xestión dos refugallos.

Para solicitar a participación no Programa, os centros de ensino e demais entidades pertencentes a Mancomunidade do Barbanza,  poden enviar a ADEGA a inscripción remitida pola  Mancomunidade  ou ben directamente poñerse en contacto ca persoa responsable do Programa:

Marga Miguens - Responsable de Educación Ambiental Xeral
Tlfno:680 903 203  email: marga@adega.info

O pasado martes 27 de decembro comprobamos se xa tiñamos compost no composteiro comunitario de Fene.

Este composteiro foi instalado a finais de abril no parque da Volta do Castro, no mes de agosto chegou ao límite da súa capacidade e ampliamos a área de compostaxe cun novo composteiro de 320L, abrimos o composteiro grande pola parte inferior, extraímos o material que estaba en proceso de convertirse en compost e o trasladamos ao composteiro pequeno para que continúe o proceso até a maduración. Este martes procedimos a apertura do composteiro pequeno e  xa tiñamos o compost maduro!! Os nosos residuos xa se transformaran en compost, un produto semellante a terra do monte que serve como fertilizante para o xardín ou a horta.  Este composteiro asume todos os residuos orgánicos do comedor do ASPANEPS (aproximadamente 20 persoas) ,os residuos de  varios veciños e veciñas da Volta do Castro e tamén  os restos vexetais no parque e do cemiterio. Residuos orgánicos que esquivan as fauces da incineración en SOGAMA e son devoltos ao solo no mesmo lugar ónde se producen, en forma de nutrintes.

Este compost foi repartido entre os veciños e veciñas que participaron na experiencia, eles puideron levar o compost para as suas vivendas para abonar e cambiar a terra ás plantas.

Para esta ultima actividade tamén puidemos contar coa inestimable axuda dos nosos voluntarios: os educadores e alumnado do ASPANEPS. Dende o principio implicaronse no proxecto e en gran medida o éxito da área de compostaxe depende deles. Eles encarganse de engadir material estruturante, remexer e manter coidado o composteiro. O martes eles foron os encargados de abrir o composteiro, peneiraron o compost, para que quedara un material fino apto para os testos, serigrafiaron as bolsas de papel  co selo de calidade “compost feito pola veciñanza da Volta do Castro” e repartiron o compost entre os veciños e veciñas que se achegaron.

Dentro de esta xornada o persoal do ASPANEPS agasallounos cun rico café feito nunha cociña solar mentres fixemos as labouras de mantenemento. E como remate a educadora ambiental de ADEGA repartiu unhas chapas de recoñemento aos voluntarios/as que os acredita como mestres composteiros. Agora xa controlan o proceso ce compostaxe e o barrio da Volta do Castro é autosuficiente na xestión dos residuos orgánicos!!