Durante o pasado mes de xullo os fogares verdes  de Compostela recibiron a segunda visita dos educadores de Adega con novos consellos. Unha nova etapa neste programa de educación ambiental no que o acompañamento aos participantes é a base para a incorporación de novos hábitos de consumo dos recursos naturais no fogar.

No tocante a enerxía, a iluminación centrou a atención desta volta. Cales son os tipos de lámpadas existentes no mercado? Que vantaxes representan unhas fronte ás outras? Canta enerxía podemos chegar a aforrar cunha boa iluminación no fogar?... Estas foron algunhas das preguntas as que se lle deu resposta. O feito de que as lámpadas incandescentes, as de toda a vida, teñan os días contados, axuda a que se de o cambio para as de baixo consumo. A pesares de que é ben sabido que o aforro de Kw e cartos que supón unha lámpada eficiente resulta importante, aínda custa desfacerse das bombillas corrientes. Na seguinte táboa ampliase a información neste senso:

En canto á auga e debido a que os meses do verán estaban perto, o tema a tratar foi a rega. O diseño do xardín, as especies elixidas, o sistema de rego empregado, etc. son aspectos que inflúen no bo manexo da auga destinada á horta/xardín. Unha pequena e creativa reflexión leva a tomar en consideración o aproveitamento da auga de chuvia para a rega. Sen apenas obras e moi pouco mantemento consiguiriase aproveitar a auga que cae sobre o tellado do fogar. Auga que non gastou enerxía en tratamentos, bombeo nin conducción e que resulta perfectamente válida para este uso e mesmo o sería para outros; lavadora, inodoro... 

Estase no camiño dun cambio consciente e determinante de costumes que demostren que consumir menos non implica renunciar ao benestar e que é doado ser eficientes!