Comeza o programa de compostaxe caseira en Moaña.

O xoves 2 de setembro dará comezo o programa de compostaxe individual no Caeiro, como primeira actividade terá lugar unha charla de formación no concello ás 20:00h, ao remate os veciños previamente inscritos poderán levar o composteiro para as súas vivendas. Os veciños de O Caeiro terán a oportunidade de aprender a xestionar os residuos orgánicos xerados na propia vivenda e formaran parte dun programa de educación ambiental ónde se lles facilitará un composteiro dunha capacidade de 300L e un manual de compostaxe, ademais ao longo de sete meses recibiran tres visitas dunha educadora ambiental de ADEGA para observar o proceso e resolver dúbidas.

Decidiuse concentrar o programa a esta parroquia para poder avaliar mellor os resultados, de este xeito a partir de mañá, 20 vivendas de O Caeiro contaran cun composteiro para aproveitar os residuos orgánicos e obter compost, un fertilizante de calidade.

O curso será aberto e de balde polo que calqueira veciño interesado na compostaxe poderá asistir.

O programa de compostaxe do Caeiro está incluído nun proxecto de compostaxe individual e comunitaria da mancomunidade do Morrazo, de feito na parroquia de Nerga xa levan un mes compostando os seus residuos orgánicos, o xoves día 2 e venres dia 3 os veciños de Nerga recibirán a primeira visita para solventar dúbidas ou corrixir o proceso.

Dentro de este proxecto proximamente sumaráse a parroquia de Beluso (Bueu) á compostaxe individual e tres zonas de compostaxe comunitaria na choupana (Cangas), nas Lagoas (Bueu) e no Rosal (Moaña). A compostaxe comunitaria consiste na instalación dun composteiro de maiores dimensións dun espazo común a un bloque de vivendas, así os habitantes das zonas máis urbanas tamén poderán compostar os seus residuos orgánicos.

Persoa de contacto: María Rodríguez Lafuente, educadora ambiental de ADEGA Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo www.adega.info