Despois do paréntese do nadal, as actividades de Educación Ambiental en centros escolares de Santiago continuarán mañá no Colexio San Jorge, onde se farán duas sesións informativas e obradoiros dentro da temática dos saberes autóctonos, participando un total de 50 alumnos de infantil. A finais desta semana as actividades continuarán no IES do Sar dentro da temática do cambio climático, con alumnos de 2º da ESO. No mes de febreiro adicaremos a primeira semana ao consumo sustentábel facendo visitas guiadas á Praza de Abastos con alumnos/as de infantil do colexio Compañía de María.

Tamén traballaremos este mes os residuos con alumnos do CIM de San Roque. Na última semana de febreiro, remataremos o mes investigando as aves cos rapaces de primaria do CEIP Ramón Cabanillas, dentro do bloque de biodiversidade. As actividades continuarán durante o mes de marzo e tamén nos vindeiros meses até maio cando está previsto rematar o Programa.

Se algún centro está interesado en participar ainda pode mandar as solicitudes a Concellaría de Educación ou a ADEGA.

Máis información: Marga Miguens, responsable do programa de Educación Ambiental Xeral
Tel: 981570099
e-mail: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo