Baixo o título de Ambiengal, o Taller de Educación Ambiental do ICE organiza as VI Xornadas Galegas de Educación Ambiental, en Santiago de Compostela.

Entre outros este sexto foro das educadoras e dos educadores ambientais de Galiza ten como obxetivos; analisar os problemas ambientais do século XXI, as tendencias, posibilidades e límites da EA, así como crear un foro de intercambio de experiencias e actuacións no ámbito da EA.

O encontro inclúe relatorios, mesas redondas, sesións de intercambio de experiencias educativas e de xestión mediante cartazes e ralatorios. Hai tamén espazo para exposicións e difusión de materiais.

A Asociación para a Defensa Ecolóxica de Galiza, presentou nestas VI Xornadas algunhas das súas propostas de educación ambiental:
-O Proxecto Ríos, cinco anos de andaina
-Fogares verdes
-Programa de compostaxe caseira: resultados e conclusións de sete anos de experiencia
-A Educación Ambiental de ADEGA no Concello de Santiago de Compostela

Haberá oportunidade asemade de escoitar as mesas redondas coordinadas por Pablo Meira da Universidade de Santiago de Compostela, José Antonio Caride tamén da Universidade de Compostela, Jorge Riechmann,  profesor da Universidade Complutense de Madrid ou Luis M. Jiménez, do OSE (observatorio da sostibilidade de España).