ADEGA participará na mostra de bioconstrución, enerxías renovables e ecoloxia Alternalia, este evento será a vindeira semana no concello de Moaña. Do 21 ao 24 de xuño terá lugar o ciclo de xornadas técnicas e conferencias no centro sociocultural de caixanova. O luns 21 de xuño ás 20:30 da tarde ADEGA presentará o proxecto piloto de compostaxe caseira e comunitaria na mancomunidade do Morrazo.

Este proxecto que se iniciou neste mes de xuño pretende achegar coñecementos sobre a xestión dos residuos orgánicos como é a compostaxe ademais de reducir o volumen de residuos que son destinados a incineración e vertedoiro aforrando os custos económicos e ambientais do transporte dos mesmos. De este xeito repartiranse 60 composteiros entre as parroquias de Nerga (Cangas), Beluso (Bueu) e O caeiro (Moaña) para o programa de compostaxe caseira. Do mesmo xeito implantarase a compostaxe comunitaria en tres puntos estratéxicos da mancomunidade como son A Choupana (Cangas), As lagoas (bueu) e O Rosal (Moaña). Este proxecto require a participación e cohesión da comunidade de veciños, para tal fin instalaráse un composteiro dunha capacidade de 1000L nun espazo común ás vivendas e os veciños poderan aportar os seus residuos orgánicos e os restos de podas trituradas do xardín, despois de sete meses obterán o compost que serve como fertilizante para as prantas. Tanto o proxecto de compostaxe caseira como comunitaria irá acompañado dun programa de educación ambiental e asesoramento por parte de ADEGA. Do 25 ao 27 de xuño terá lugar a mostra no paseo marítimo de Moaña, no que tamen participaremos cun stand con información de ADEGA e un obradoiro de construción dun vermicomposteiro.